Azərbaycan Respublikası Müdafiə Nazirliyi Serj Sarqsyana cavab verib
Azərbaycan Respublikası Müdafiə Nazirliyi Ermənistanın sabiq prezidenti Serj Sarqsyana cavab verib.
SəhərAzəri xəbər verir, Nazirliyin mətbuat xidmətindən verilən məlumatda bildirilir ki, dünən keçirilən mətbuat konfransında çıxış edən Ermənistanın sabiq prezidenti Serj Sarqsyan 2016-cı ilin aprel döyüşləri barədə danışarkən guya Azərbaycan Respublikası Ordusunun tərkibində Türkiyə və sionist rejimdən hərbi təlimatçıların olmaları haqqında sərsəm fikir səsləndirib: “Bəllidir ki, məhz Ermənistan silahlı qüvvələrində hərbi xidmətə çağırışçı və səfərbərlik ehtiyatlarının çatışmazlığı səbəbindən xarici ölkələrdən gətirilən muzdluların istifadə edilməsi praktikası geniş tətbiq olunur.
Aprel döyüşlərindən aldığı zərbənin təsirindən 4 il sonra qismən özünə gələn Serj Sarqsyanın bəraət qazanmaq üçün bu cür cəfəng fikirlər səsləndirməsi heç də təəccüblü deyil. Belə ki, bir tərəfdən Ermənistan ordusunun həmin döyüşlərdəki məğlubiyyətinin fəsadları, digər tərəfdən isə parlament komissiyasının bu uğursuzluqların səbəb və səbəbkarlarını müəyyən edərək onlara ağır cəza vermək çağırışı Serj Sarqsyanı belə bir addım atmağa məcbur edib.
Bildiririk ki, bu gün Azərbaycan Respublikası Ordusu bu ölkədə və dünyanın ən nüfuzlu hərbi təhsil müəssisələrində ixtisaslaşmış peşəkar hərbi qulluqçularla komplektləşdirilmiş və arsenalında ən müasir silah-sursat, hərbi texnikası olan ordudur.
Serj Sarqsyanın səsləndirdiyi yalan və gülünc fikirlər onun öz tərəfdaşları, erməni ictimaiyyəti qarşısında itən nüfuzunu bərpa, xüsusilə də parlament komissiyasının qəbul edəcəyi qərarlara təsir etməyə yönələn uğursuz cəhddir. Erməni xalqı bilməlidir ki, Ermənistan ordusunun aprel döyüşlərindəki alçaldıcı məğlubiyyətinin günahkarı məhz Serj Sarqsyan və onun hərbi-siyasi rejimi olub.
Bir daha bildiririk ki, Ermənistan-Azərbaycan Respublikası dövlət sərhədinin Tovuz rayonu istiqamətində Ermənistanın hazırkı hakimiyyətinin törətdiyi hərbi avantüranın qarşısını qətiyyətlə alan Azərbaycan Respublikası ordusu bundan sonra da düşmənin istənilən təxribatlarının qarşısını almağa qadirdir".
