Almaniya Kansleri Ermənistan və Azərbaycanı atəşkəsi bərpa etməyə çağırıb

Sen 29, 2020 13:48 Asia/Baku

Angela Merkel Ermənistan və Azərbaycanı danışıqlar masasına dönməyə çağırıb.

Səhər Azəri bildirir ki, Almaniya kansleri Angela Merkel Ermənistan və Azərbaycanı atəşkəsi bərpa etməyə və danışıqlar masasına dönməyə çağırıb.

Məlumata əsasən kansler Angela Merkel dünən Ermənistanın Baş naziri Nikol Paşinyanla, bu gün isə Azərbaycan Prezidenti İlham Əliyevlə telefonla danışıb. Danışıqlar zamanı Azərbaycanla Ermənistan arasındakı münaqişənin gərginləşməsi müzakirə olunub. Kansler dərhal atəşkəsin təmin edilməsi və danışıqlar masasına qayıtmağın vacibliyini vurğulayıb. ATƏT-in Minsk Qrupu bunun üçün uyğun bir platforma təklif edir.

"Qonşu ölkələr münaqişənin sülh yolu ilə həllinə töhfə verməlidir." deyə Angela Merkel bildirib.