Ruhani Hacı Cəlal Şəfiyev şantaj görüntüləri barədə açıqlama verdi
Noyabrın 10-da Azərbaycanın iki nüfuzlu ruhanisi, Şeyx Sərdar Hacıhəsənli və Hacı Cəlal Şəfiyevlə bağlı şantaj görüntüləri yayılıb. Bəzi ekspertlərə görə, barəsində 4 aylıq həbs-qətimkan tədbiri seçilmiş və hazırda istintaq getdiyi dövrdə Şeyx Sərdarla bağlı yayılan görüntülərin istintaqın gedişinə necə təsir edəcəyi yayılan görüntülərin xarakterindən bəlli olur.
SəhərAzəri-nin məlumatına əsasən,hadisə ilə bağlı Hacı Cəlal Şəfiyev Giperssilka.ru açıqlama yayıb. Açıqlamada deyilir:
"Barəmizdə yayılan videonun hazırlanıb yayımlanması ilk növbədə tərbiyəsizlikdir. Bu tərbiyəsiz və çirkin mübarizə metodu ölkədə heç də ilk deyil. Zaman-zaman ölkədə haqsızlıqla barışmayanlara qarşı bu çirkin metoddan istifadə olunub və olunmaqdadır. Belə videoları hazırlayıb yayanlar öz yaxınlarını düşünmürlərsə, heç olmasa, xalqın abır-həyalı ana-bacılarını və qız- gəlinlərini nəzərə alsınlar.
Hacı Cəlal Şəfiyev Şeyx Sərdara işə salınan bu metod barədə isə deyib: Belə ucuz ləkələr Şeyx Sərdara yapışmaz. Bu kimi cəhdlər Şeyx Sərdarın haqsızlıqla barışmaz mövqeyindən xəbər verir. Hamıya məlumdur ki, Şeyx Sərdar insanlara olunan zülmlərə pərdə çəkib onları aldatmağa razı olsaydı, onun barəsində bu növ videolar hazırlanmazdı.
Hacı Cəlal Şəfiy bu oyunun digər uydurmasına da aydınlıq gətirərək deyib: Belə göstərilir ki, guya Şeyx Sərdar bizləri gizlincə cəkib, sonra bizi şantajla qorxudaraq xaricə işləməyə məcbur edib. Baxın, mən bu ölkədə yaşayıram, əgər mən haqqımda belə videoların yayılmasından çəkinsəydim, məni belə videoların yayılması ilə təhdid edənlərlə razılaşıb Şeyx Sərdarı şərləyərdim. Sözümün canı budur ki, əgər bu növ videoların bu gün ölkə səviyyəsində yayımlanması məni nəyəsə məcbur edə bilmirsə, deməli heç vaxt məcbur edə bilməzdi.
Hacı Cəlal Şəfiy əlavə olaraq deyib: Şeyx Sərdar məni hamıdan yaxşı tanıyır. Belə səviyyəsiz böhtanlar ona yapışmaz.
Hacı Cəlal Şəfiyev Şeyx Sərdarın nəyə görə bu kimi oyunların hədəfinə çevrməsinə də aydınlıq gətirib: “Şeyx Sərdar haqsızlığa, zülmə, talana sipər olub camaatı aldatmağa razılaşmadığı üçün haqqında belə videolar yayılır. Şeyx Sərdarın həbsi siyasidir. O, İranla gərginləşən münasibətlərdən dolayı repressiya qurbanı olub və həbs edilib”,- deyə Hacı Cəlal Şəfiyev deyib.
