Azərbaycanın Qarabağ bölgəsində yerləşdirilmiş Rusiya sülhməramlı kontingentinin komandanı dəyişdirilə bilər.

Bu barədə sosial şəbəkənin erməni seqmentində iddialar yayılıb.

Qeyd olunur ki, general-polkovnik Aleksandr Lentsov artıq Qarabağı tərk edib. Onun yerinə yaxın vaxtlarda yeni təyinat olacağı gözlənilir.

Bəzi məlumatlara əsasən rusiyalı general-mayor Kirill Denisoviç Kulakov bu vəzifəyə gətirilir.

Hələlik, təyinatla bağlı Rusiya MN-dən hər hansı açıqlama yoxdur.

Azərbaycanda ondan ehtiyatlanırlar ki, yeni komandan Laçın dəhlizini açmaq tapşırığı ilə bölgəyə göndərilə bilər.