Azərbaycan Respublikası prezidenti ATƏT-in Demokratik Təsisatlar və İnsan Haqları Bürosunun hərəkətinin qəbuledilməz olduğunu deyib.

APA-nın məlumatına görə, Azərbaycan Respublikası prezidenti İlham Əliyev MDB İcraiyyə Komitəsinin sədri, Milli Məclisə seçkilərdə MDB-nin müşahidəçi missiyasının rəhbəri Sergey Lebedevin başçılıq etdiyi nümayəndə heyətini qəbul edərkən deyib: Azərbaycanın dəvətinə baxmayaraq, ATƏT-in Demokratik Təsisatlar və İnsan Haqları Bürosu əsassız sayda müşahidəçilərin ölkəyə gəlməsinə israr edib. Onlara müşahidəçilərin sayının ölkə əhalisinin sayına uyğunlaşdırılması təklif olunduqda, seçkiləri müşahidə etməkdən imtina ediblər.
Prezident İlham Əliyev ATƏT-in Demokratik Təsisatlar və İnsan Haqları Bürosunun bu hərəkətinin qəbuledilməz olduğunu deyib.