Azərbaycan ordusu daha bir şəhid verib
-
Azərbaycan ordusu daha bir şəhid verib
Ermənistan silahlı qüvvələri Azarbaycan Respublikası bölmələrinin mövqelərinə minaatanlardan atəş açması nəticəsində Azərbaycan Silahlı Qüvvələrinin hərbi qulluqçusu, əsgər şəhid olub.
Müdafiə Nazirliyinin mətbuat xidmətindən verilən məlumata görə, dekabrın 16-da axşam saatlarında Ermənistan silahlı qüvvələri bölmələrinin Azərbaycanın mövqelərinə minaatanlardan atəş açması nəticəsində Silahlı Qüvvələrin hərbi qulluqçusu əsgər Cəfərzadə Rəşad Əlyar oğlu şəhid olub.
Müdafiə Nazirliyinin rəhbərliyi şəhidin yaxınlarına və əzizlərinə dərin hüznlə başsağlığı verir və səbr diləyir.
Müdafiə Nazirliyi həmçinin bildirir ki, Ermənistan kütləvi informasiya vasitələrinin təxribat məqsədilə cəbhədə guya iki nəfər Azərbaycan snayperinin öldürülməsi barədə yaydığı məlumatların və videogörüntülərin də heç bir əsası yoxdur və həqiqətə uyğun deyil: "Cəbhə xəttində əməliyyat şəraiti Silahlı Qüvvələrimizin nəzarəti altındadır, düşmənin hərəkətlərinə qarşı bütün qabaqlayıcı tədbirlər həyata keçirilir."
