Rusiya müdafiə naziri Serqey Şoyqu Azərbaycan və Ermənistanın müdafiə nazirləri ilə Dağlıq Qarabağdakı gərginliklə əlaqədar fövqəladə telefon danışıqları həyata keçirib. FaktXeber.com-un məlumatına görə, bu barədə Rusiya Müdafiə Nazirliyinin Mətbuat Xidmətindən bildirilib.

Bildirilir ki, RF Müdafiə Nazirliyinə gələn məlumata görə, aprelin 2-nə keçən gecə Qarabağ ərazisində vəziyyət gərginləşib. Qurumun məlumatına görə bu, ərazi daim RF MN-nin diqqət mərkəzinin fokusundadır.

«Bununla əlaqədar olaraq aprelin 2-də RF müdafiə naziri ordu generalı Serqey Şoyqu öz həmkarları – Azərbaycanın müdafiə naziri general polkovnik Zakir Həsənov və Ermənistanın müdafiə naziri Serqey Ohanyanla ilə münaqişə zonasında vəziyyətin sabitləşiəsi üçün təcili telefon danışıqları həyata keçirib» , - deyə məlumatda bildirilib.

Danışıqlar zamanı Dağlıq Qarabağ bölgəsində vəziyyətin gərginləşməsi müzakirə olunub.   

"Danışıqlar zamanı münaqişə zonasında vəziyyətin stabilləşdirilməsi istiqamətində atılacaq təxirəsalınmaz addımlar müzakirə olunub", - deyə Rusiyanın Müdafiə Nazirliyinin məlumatında deyilir.   

Məlumatda o da bildirilir ki, bu region daim Rusiya Müdafiə Nazirliyinin diqqət mərkəzindədir.