Azərbaycan Respublikası aprelin 16-dan etibarən 6 gün müddətində geniş miqyaslı hərbi təlimlərə başlayacaq.

İRİB-in Bakı ofisinin verdiyi məlumata görə, Azərbaycan Respublikası Müdafiə Nazirliyinin mətbuat xidməti bildirib ki, hərbi qüvvələrin qabiliyyətlərinin, qüvvələrə və hərbi texnikaya nəzarətin yoxlanılması və hərbi potensialın dəyərləndirilməsi məqsədi ilə Azərbaycan Respublikasının prezidenti İlham Əliyevin əmri ilə hərbi təlimlər keçiriləcək. 

Bu təlimlərdə 30 min hərbçi, 250 dən çox tank və zirehli texnika, 200 ədəd raket və arteleriya, raket sistemləri, 25 ədəd hərbi təyyarə və vertalyot eləcə də yeni müşahidə təchizatları və Pilotsuz Uçan Aparatlar iştirak edəcək.