İranın iki hərbi gəmisi Bakı limanına yan alıb
İranın "Peykan" və "Coşən" adlı hərbi gəmiləri Dəniz Kuboku-2018 yarışlarında iştirak etmək məqsədilə Bakı limanına daxil olub və Azərbaycan ordusu Dəniz Qoşunları komandanları tərəfindən qarşılanıb.
İRİB-nin verdiyi məlumata görə, Dəniz Kuboku-2018 yarışlarında İranı təmsil edəcək hərbi gəmi qrupunun başçısı Arya Şəfqət Rudsəri deyib: Bu hərbi gəmilər Azərbaycan xalqı və dövləti üçün İran xalqı və dövlətinin sülh və dostluq müraciətini gətirib.
Şəfqət Rudsəri Dəniz Kuboku-2018 yarışlarının Azərbyacanda keçirilməsinə işarə edərək, deyib: Ümidvaram bu yarışlarda iştirak hərbi döyüş qabiliyyətinin yaxşılaşdırılmasına kömək etməklə yanaşı, Xəzər dənizi ətrafında yerləşən ölkələr arasında dostluq əlaqələrinin möhkəmlənməsinə də kömək etsin.
Xəzər dənizinin ətrafında yerləşən ölkələrin iştirak etdiyi Dəniz Kuboku-2018 yarışları Rusiya, İran, Qazaxıstan və Azərbaycanın iştirakı ilə keçiriləcək.
Su üzərindəki hədəflərə atəş açmaq, minaların məhv edilməsi, uçan hədəflərin vurulması, dənizdə gəmilərə dəyən zərər və ziyanların dəyərləndirilməsi, xilasetmə əməliyyatının həyata keçirilməsi və sair məsələlər bu yarışlarda nəzərdə tutulmuş proqramlardırlar.
