Azərbaycan Respublikasının xarici işlər naziri Elmar Məmmədyarovun İrana səfərinin detalları məlum olub.

Trend-in məlumatına əsasən, Azərbaycan xarici işlər naziri Elmar Məmmədyarov 9 martda İrana səfər edəcək.

Məmmədyarov Tehranda bir sıra rəsmi görüşlər keçirəcək, o cümlədən iranlı həmkarı Məhəmməd Cavad Zərif ilə görüşəcək.

Nazir Məmmədyarovun İrana səfəri çərçivəsində Şimal-Cənub dəhlizi, Rəşt-Astara dəmiryolu haqda müzakirələr aparılacaq.

Səfərdə iki ölkə əlaqələri, əlaqələrin inkişafı, regional məsələlər haqda danışıqlar olacaq.

Mətbuat konfransı zamanı Azərbaycan Xarici İşlər Nazirliyinin sözçüsü Leyla Abdullayeva Elmar Məmmədyarovun mart ayında İrana səfərinin planlaşdırıldığını demişdi.