Xəzərin dibində birgə fiber optika layihəsinin icrası sahəsində Azərbaycan Respublikası ilə Türkmənistan arasında əməkdaşlıq üzrə anlaşma sənədi imzalanıb.

Bu sənəd Aşqabadda 12-ci “Türkmən Tel-2019” beynəlxalq sərgisinin kənarında Azərbaycan Respublikasının Türkmənistandakı səfiri Həsən Zeynalov ilə Türkmənistan rabitə və sənaye nazirliyinin “Türkmən Ara Qatnaşık” institutunun direktoru Hacı Murad Xudaquliyev arasında imzalanıb.

Bu memoranduma əsasən, layihənin icraçısı Azərbaycan Respublikasının “Azərtelekom” və Türkmənisanın “Türkməntelekom” şirkətləridir. Həmin layihənin icrası ilə Avropa ilə Asiya arasında rəqəmsal ipək yolu yaradılacaqdır.

Bu rəqəmsal şose yolu Avropadan internet yük aldıqdan sonra onu Azərbaycan Respublikası vasitəsilə Türkmənistan, Özbəkistan, Əfqanıstan, Pakistan və Hindistana ötürəcəkdir.