Azərbaycan respublikasında deputatlığa namizədliyi qeydə alınan 1637 nəfərdən indiyə qədər 292 nəfəri namizədliyini geri götürüb.

Bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib.

MSK sədri bir daha deputatlığa namizədlərə müraciət edib. M.Pənahov iddiaçıları namizədliyini geri götürməməyə çağırıb.

MSK sədri deyib ki, Azərbaycanda fevralın 9-a təyin edilmiş növbədənkənar parlament seçkilərində analoqu olmayan hal qeydə alınıb. “Dünya ölkələrinin böyük əksəriyyəti Azərbaycana müşahidəçilərini göndərir”, - deyə o qeyd edib.