SAHAR

Yeni Müsavat qəzeti ABŞ-ı Rusiyanın regiondakı yeganə müttəfiqi olan Ermənistana pasibanlıq edərək, ona hər cür yardım göstərməkdə ittiham edib.

Nəşr yazır ki, dünya hegemonu hələ çoxdan Azərbaycanı öz strateji müttəfiqi, enerji layihələri üzrə tərəfdaşı sayaraq vaxtaşırı bəyanatlar verir, amma bu gün Vaşinqtonda senatorlar yığışıb Azərbaycana hərbi yardımın dayandırılmasına dair qanunvericilik təşəbbüsü qaldırırlar. Necə olur ki, Ermənistan əziz-xələf dövlət olur, amma ABŞ-la xeyli ortaq biznes layihələri olan Azərbaycan az qala Venesuela ilə yanaşı qoyulur.

Məqalə müəllifi Birləşmiş Ştatların niyyətinə toxunaraq bildirir ki, bu dövlət Ermənistanın tədricən güclənərək Qafqazın İsrailinə çevrilməsini arzu edir.