Ermənistanın hərbi-siyasi rəhbərliyi beynəlxalq hüququn norma və prinsiplərini kobud şəkildə pozaraq, dinc əhaliyə qarşı terror əməllərini davam etdirir.

SəhərAzəri xəbər verir, Azərbaycan Respublikası baş prokurorluğunun mətbuat xidmətindən verilən məlumata görə, işğalçı ölkənin silahlı qüvvələri Azərbaycan Respublikasının yaşayış məntəqələri və silahsızlaşdırılmış zonaları, habelə hərbi hədəf olmayan, aydın görünən və fərqləndirilən obyektlərini, o cümlədən mülki əhalini hədəfə almaqla bu gün Bakı vaxtı ilə səhər saat səkkiz radələrindən başlayaraq, Füzuli rayonunu müxtəlif istiqamətlərdən raket və artilleriya mərmilərindən intensiv atəşə tutublar.

Bu gün Bakı vaxtı ilə səhər saat doqquz radələrində Füzuli rayonunun Qarabağ kənd sakinləri Əsədov Samir Hidayət oğlu, İbrahimov Nizami Cəfər oğlu və Abbasov Alman Ənvər oğlu yaşadıqları evlərə mərmi düşməsi nəticəsində müxtəlif dərəcəli bədən xəsarətləri alaraq xəstəxanaya yerləşdiriliblər, o cümlədən onların yaşadıqları evlərə külli miqdarda ziyan dəyibdir.