Dünya bazarında "Azeri Light" markalı neftin qiyməti azalıb.

SəhərAzəri Sputnik.Az-a istinadla xəbər verir, Azərbaycan neftinin 1 barelinin qiyməti 0,16 dollar və ya 0,38% azalaraq 42,47 dollar təşkil edib.

"Brent" markalı neftin qiyməti 0,69 dollar geriləyərək 41,77 dollar, "Light" markalı neftin qiyməti isə 0,79 dollar ucuzlaşaraq 39,85 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.