İSESCO-nun nümayəndə heyəti BMM-də olub
Azərbaycan Respublikasında səfərdə olan İslam Dünyası Elm, Təhsil və Mədəniyyət Təşkilatının (ICESCO) Baş direktoru Salim bin Məhəmməd əl-Malikin başçılıq etdiyi nümayəndə heyəti yanvarın 14-də Beynəlxalq Muğam Mərkəzində (BMM) olub.
SəhərAzəri Apa-ya istinadən xəbər verir, mərkəzin direktoru, xalq artisti Murad Hüseynov qonaqlara Azərbaycanın musiqi mədəniyyəti, muğam sənəti haqqında qısa məlumat verib. Azərbaycan Respublikasının mədəniyyət naziri Anar Kərimovun da iştirak etdiyi görüşdə İSESCO nümayəndələrinin diqqətinə çatdırılıb ki, Beynəlxalq Muğam Mərkəzi dünyada misli olmayan möhtəşəm bir Mərkəzdir. Bura Azərbaycanın Birinci vitse-prezidenti, Mehriban Əliyevanın təşəbbüsü ilə inşa olunub. 2008-ci ilin 27 dekabrında təntənəli açılış mərasimi baş tutub. Muğam sənəti, bu sənətin əsas alətləri – tar, kamança YUNESKO-nun Ümumdünya irsi siyahısındadır.
