Sionist rejim Azərbaycanda şübhəli fəaliyyətlərini artırır
İsrail Bakıda "kibertəhlükəsizlik mərkəzi" yaradacaq
Azərbaycanın Rəqəmsal inkişaf və nəqliyyat naziri Rəşad Nəbiyev İsrail adlanan işğal olunmuş Fələstində sionistlərlə dırnaqarası vacib sənəd imzalayıb.
SəhərAzəri-nin məlumatına əsasən, İsrailin “Technion” Universiteti ilə imzalanmış müqaviləyə əsasən sionistlərin təlim adı altında Bakıda kibertəhlükəsizlik sahəsində mütəxəssis yetişdirməsi planlaşdırılır.
“Technion” Universitetinin prezidenti, professor Uri Sivan sözügedən əməkdaşlığın qurulmasından çox məmnun olduğunu və gələcəkdə onun daha da genişləndirilməsinə ümid etdiyini bildirib. “Hazırlanan mütəxəssislər nəinki Azərbaycanda, eləcə də regionda sahənin inkişafına töhfə verəcəklər”, deyə sionist məmur mənsub olduğu rejimin Azərbaycan və ətraf ölkələrdə casusluq işinə xüsusi önəm verdiyinə eyham vurub.
Xatırladaq ki, İran İslam Respublikasının prezidenti Seyid İbrahim Rəisi iyunun 29-da Aşqabadda azərbaycanlı həmkarı İlham Əliyevlə görüşdə işğalçı İsrail rejiminin bölgədə mövcudluğunun gərginlik amili olduğunu və bölgənin təhlükəsizliyinə heç bir fayda vermədiyini vurğulayıb, qeyd edib ki, bölgənin təhlükəsizliyi ancaq region ölkələri və Xəzəryanı qonşuların əməkdaşlığı ilə təmin oluna bilər.
