Səfir Musəvi: İran Qafqazda sülhün bərqərar olmasına kömək etməyə hazırdır
İranın Azərbaycan Respublikasındakı səfiri Tehranın Bakı və İrəvana davamlı sülhə nail olmağa kömək etməyə hazır olduğunu bildirib.
SəhərAzəri-nin məlumatına əsasən, İranın Bakıdakı səfiri Seyid Abbas Musəvi çərşənbə axşamı Bakıda Azərbaycanın Birinci vitse-prezidentinin köməkçisi Elçin Əmirbəyov ilə görüşüb.
Görüşdə ikitərəfli əlaqələrlə bağlı son hadisələr, Qafqazdakı vəziyyət və İranın bu regionla bağlı prinsipial mövqeləri müzakirə olunub.
Səfir Musəvi beynəlxalq səviyyədə tanınmış sərhədlərin dəyişməzliyi ilə bağlı İranın mövqeyini təkrarlayıb və bildirib ki, İranın regiondakı həyati və uzunmüddətli maraqlarına uyğun gəlməyən hər hansı geosiyasi dəyişiklik olmamalıdır.
O bildirib ki, İran Tehranda ikitərəfli və üçtərəfli görüşlər və 3+3 regional təşəbbüsü çərçivəsində şimal qonşularına, yəni Azərbaycan Respublikası və Ermənistana davamlı sülhə nail olmaq üçün kömək etməyə hazırdır.
Azərbaycan və Ermənistan bir neçə aylıq kövrək atəşkəsdən sonra bu ayın əvvəlində yeni eskalasiya mərhələsinə başlayıblar.
