Paşayevlər ailəsi Naxçıvanda at oynadırlar
Vasif Talıbovun prokuror qardaşının yerinə təyinat olub
Paşayevlər ailəsi Naxçıvanda at oynadırlar. Vasif Talıbovun qardaşının yerinə Sənan Paşayev Naxçıvanda Baş prokurorun müavini təyin olunub.
SəhərAzəri-nin məlumatına əsasən, öz ərizəsi ilə Naxçıvan Muxtar Respublikasının baş prokurorunun müavini vəzifəsindən azad edilən Məhərrəm Talıbovun yerinə təyinat olub.
M.Talıbov Naxçıvan MR Ali Məclisinin sabiq sədri Vasif Talıbovun qardaşıdır.
Azərbaycanın Baş prokuroru Kamran Əliyevin əmrinə əsasən, Sənan Paşayev Naxçıvan Muxtar Respublikasına yeni prokuror müavini təyin olunub.
Yeni təyin edilən Sənan Paşayev Baş Prokurorluğun İstintaq idarəsinin rəis müavini vəzifəsində çalışırdı.
Sənan Paşayevin adı vətəndaş cəmiyyəti təmsilçiləri, media nümayəndələri və siyasi fəalların istintaq prosesindəkı pozuntularda keçirdi.
Onun adı həmçinin Qarabağ qazisi Babək Həsənova işgəncə verdirməkdə hallanıb.
Dekabrın 21-də Naxçıvan Muxtar Respublikası Ali Məclisinin sədri Vasif Talıbov vəzifəsindən istefa verib, və ya əslində istefaya məcbur edilib.
Bir gün sonra Naxçıvan Muxtar Respublikasında Azərbaycan Prezidentinin Səlahiyyətli Nümayəndəliyi təsis edilib.
Bununla bağlı imzalanan fərmanda mərkəzi və yerli icra hakimiyyəti orqanları, digər dövlət qurumları Naxçıvan Muxtar Respublikasının ərazisində fəaliyyətlərini səlahiyyətli nümayəndə ilə əlaqələndirilmiş qaydada həyata keçirməsi qeyd olunub.
İlham Əliyev Fuad Nəcəflinin Naxçıvan Muxtar Respublikasında Azərbaycan Prezidentinin səlahiyyətli nümayəndəsi təyin edilməsi haqda sərəncam imzalayıb.
Dekabrın 22-də isə Naxçıvan Ali Məclisi sədrinin bir neçə səlahiyyəti ləğv edilib.
