Azərbaycan-Türkmənistan arasındakı qaz əməkdaşlığında problem yaranıb
"Fitch": Transxəzər qaz boru kəməri layihəsi ciddi maneələrlə üzləşir
Türkmənistan qazını Avropa bazarına çıxara biləcək Transxəzər qaz boru kəməri layihəsi öz inkişaf yolunda ciddi maneələrlə üzləşir.
SəhərAzəri-nin məlumatına əsasən, bu barədə “Fitch Reytings” beynəlxalq reytinq agentliyi bildirib.
Məlumata görə, 2021-ci ilin yanvarında Aşqabad və Bakı “Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı və işlənməsi haqqında” Anlaşma Memorandumunu imzalayıblar, Türkmənistan qazının Avropaya nəqli nəzərdə tutulub, lakin belə bir kəmər öz inkişaf yolunda ciddi maneələrlə üzləşib”.
Məlumatda vurğulanır ki, qarışıq tələb proqnozu və digər tədarük mənbələri tərəfindən güclü rəqabət nəzərə alınmaqla, Avropa bazarına etibar problemli ola bilər. Bundan əlavə, layihə çox kapital tutumlu olacaq və onu dəstəkləmək üçün böyük uzunmüddətli alıcı bazası tələb olunur ki, belə alıcıları tapmaq çətindir.
