Bakıda daha bir ruhani məhkəmə qarşısına çıxarıldı
Hacı Sərdar Hacıhəsənlinin ilk məhkəmə iclası keçirilib
İlahiyyatçı Sərdar Hacıhəsənlinin ilk məhkəmə iclası keçirilib. Bakı Ağır Cinayətlər Məhkkəməsində baş tutan hazırlıq iclasında hacı Sərdar özü də iştirak edib.
SəhərAzəri-nin məlumatına əsasən, vəkil Cavad Cavadov bu haqda bildirib ki, müdafiə tərəfi Sərdar Babayevə qarşı ittihamları əvvəldən əsassız hesab edib. Eyni zamanda Sərdar Babayev də özünü təqsirli bilmir.
Vəkilin sözlrinə görə, məhkəmə heç bir vəsatəti qəbul etməyib.
Xatırladaq ki, 2021-ci ilin oktyabrında saxlanılan ilahiyyatçıya Cinayət Məcəlləsinin 274 (dövlətə xəyanət) maddəsi ilə ittiham irəli sürülərək barəsində həbs qətimkan tədbiri seçilmişdi. Uzun sürən istintaqdan sonra bu gün ilahiyyatçının ilk məhkəmə iclası başlayıb.
Şeyx Sərdar ilk dəfə 2017-ci ildə dini təbliğat, dini ayin və mərasimlərin aparılması tələblərini pozmağa görə 3 il müddətinə azadlıqdan məhrum edilmişdi.
