ABŞ prezidenti nədən bu addımları atır?
Natiq Cəfərli: ABŞ bankrot olmaq ərəfəsindədir
Trampın tarif “müharibələri” bu gün dünyada bir nömrəli müzakirə olunan məsələdir. Azərbaycanlı iqtisadçı alim Natiq Cəfərli baş verənləri Amerikanın müflis dövlətə çevrilməsi ilə əlaqələndirib.
Natiq Cəfərli öz feysbuk hesabında yazıb ki, “ABŞ bankrot olmaq ərəfəsindədir, borcu 36 trilyon 600 mlrd. dolları keçib. Hər il ABŞ borclar üzrə tək faizlərə 2 trilyon dollar ödəməlidir. Reyqandan sonrakı hökumətlər ancaq pul çap edərək borcu həm şişirdir, həm də faizləri qaytarırdılar. Belə yanaşma sonsuza qədər ola bilməzdi – Tramp indi pislə, çox pis arasında seçim etdi, çox pis ABŞ-ın bankrot olaması, ardınca da bütün dünyanı uzun illərə yayılan iqtisadi tənəzzülə düçür etməsi olardı”.
Tariflər məsələsinə gəlincə, Reapublikaçı Alternariv Partiyası REAL-ın sədri Natiq Cəfərli qeyd edib ki, tariflər istənilən ölkə ilə danışıqlar üçün vasitədir, əvvəl ABŞ “artistlik” edərək ölkələrə “insan haqları, demokratiya” deyib öz maraqlarına görə güzəşt qoparıb sonra “dəyərləri” unudurdular, indi isə “demokratiya dəyənəyini” daha səmimi və açıq olan tarif “dəyənəyi” ilə əvəz edirlər.
