SAHAR

Dünyanın ən böyük Nevroxirurqiya Konfransında nevroloq Professor Səmii mükafatı rusiyalı professora verilib.

Səhər Beynəlxalq Televiziyasının məlumatına görə, iranlı tanınmış məşhur alim və nevroloq Professor Məcid Səmii mükafatı 2 mindən çox müəllim və mütəxəssisin iştirak etdiyi Romada keçirilən 6-cı Beynəlxalq Xirurqiya Konfransında rusiyalı cərrah professor Aleksandr Konovalova təqdim olunub.


Professor Səmii mükafatı az sayda olan elmi mükafatlardan biridir. Bu mükafat dünya şöhrətli alimin adını daşıyır və yaşadığı dövrdə dünyanın 140-dan çox ölkəsinin mütəxəssislərinin rəyi ilə ən güclü nevroloqlara təqdim olunur.


Bu konfransda konfransın rəhbəri və İtaliya Nevroxirurqiya Cəmiyyətinin rəhbəri professor Tomaslu da etdiyi çıxışında Həkim Əbu Əli Sinanın böyük şəklini göstərərək bu iranlı həkimin bəşəriyyət tarixində tibb elminin inkişafındakı rolunu alqışlayıb.


7-ci Beynəlxalq Nevroxirurqiya Konfransı İran prezidentinin elm və texnologiya müavinliyinin dəstəyi və Hannofer Nevroxirurqiya Beynəlxalq İnstitutunun rəhbəri professor Məcid Səmiinin başçılığı və dünyanın iki minə yaxın tanınmış mütəxəssis və cərrahlarının iştirakı ilə 2016-cı ildə Tehranda keçiriləcək.