SAHAR

Rusiya Federasiyası prezidenti bir sənədi imzalayaraq Misirə sərnişin təyyarələrinin uçuşunun dayandırılmasına göstəriş verib.

Səhər Beynəlxalq Televiziyasının İRNA-ya istinadla verdiyi məlumata görə, Rusiyanın milli təhlükəsizliyinin təmin olunması və bu ölkə vətəndaşlarının cinayətkar hərəkətlər qarşısında mühafizə olunması üzrə xüsusi tədbirlər olaraq Rusiyanın Misirə sərnişin təyyarələrinin uçuşlarının dayandırılması üzrə Vladimir Putinin yazılı göstərişi Kreml sarayının mətbuat xidmətinin internet portalında yayımlanıb.
Rusiya prezidentinin göstərişinə əsasən, bu ölkə vətəndaşlarına müvəqqəti olaraq uçuş, o cümlədən ticarət uçuşları qadağan olunur.
Putin həmçinin Rusiya hökumətinə vətəndaşların Misirdən geri qayıtması və onların yüklərinin Rusiyaya nəql olunmasına şəraitin yaradılması üçün tədbirlər görməsinə göstəriş verib.
Rusiya medialarının məlumatına görə, Moskva hazırda Misirdə olan Rusiya vətəndaşlarının geri qayıtmaları məqsədilə 44 sərnişin təyyarəsini Misirə ezam edir.
Ötən həftə şənbə günü Misirin Şərm əl-Şeyxindən Sankt-Peterburq istiqamətində uçan Rusiyanın bir sərnişin təyyarəsi 224 sərnişinlə Sina səhrasında qəzaya uğradı və bütün sərnişinlər həlak oldu.
İŞİD terror qruplaşması iddia edib ki, Rusiyanın Suriyada terrorçuların mövqelərinə hava hücumlarının əvəzinı çıxmaq üçün bu təyyarəni vurub. Halbuki Rusiya bu iddianı rədd edib.