SAHAR

Fransa prezidenti ölkədə elan edilmiş fövqəladə vəziyyətin daha 3 ay uzadılmasını istədi.

İRNA-nın məlumatına görə, Fransa Parlamentinin bəzi üzvləri bildiriblər ki, ölkə prezidenti Fransua Oland Parisdə törədilən terror aktlarının ardınca elan edilmiş fövqəladə vəziyyətin daha 3 ay uzadılmasını istəyib.
Fransada 12 gündən daha artıq bir müddət üçün fövqəladə vəziyyətin elan edilməsi sadəcə Parlamentin razılığı ilə mümkündür.
Ötən cümə günü Parisin 5 məntəqəsində terror aktlarının törədilməsi 132 nəfərin ölməsi, 352 nəfərin də yaralanması ilə nəticələndi. Yaralılardan 99-nun vəziyyətinin ağır olduğu bildirilir.
İŞİD terror qruplaşması Paris terror aktlarının məsuliyyətini öz üzərinə götürüb.