Amerikada həyata keçirilən son rəy sorğusuna əsasən amerikalıların yarıdan çoxu bu ölkədə keçiriləcək prezident seçkiləri ilə bağlı ciddi nigaranlığa malikdirlər.

Çin xəbər agentliyinin Nyu-Yorkdan verdiyi məlumata görə, ABŞ-ın Safolk Universiteti tərəfindən həyata keçirilən rəy sorğusunun nəticələrinə görə, amerikalıların 50%-dən çoxu prezident seçkilərinin nəticəsi ilə bağlı nigaranlıqlara malikdir. 

Respondentlərin 46%-i demokratların namizədi Hillari Klinton barədə müsbət, 47%-i isə mənfi münasibət bəslədiyini bildirib. 

26 oktyabr 2016-cı il tarixində həyata keçirilən rəy sorğusunun nəticələrinə görə, respondentlərin 61%-i respublikaçıların namizədi Donald Tramp barədə mənfi fikirə malikdir. Trampa etimad edənlərin sayı isə sadəcə 31%-dir. 

Bu rəy sorğusuna görə, respondentlərin 49%-i Hillari Klinton, 39%-i isə Donalt Trampa səs verəcəklərini bildiriblər. Respondentlərin 10%-i isə hələ kimə səs verəcəklərini qətiləşdirmədiklərini deyiblər. 

Respondentlərin 43%-i isə Trampın seçkilərin qalibi olacağı barədə dediklərinə qorxu ilə yanaşdıqlarını bildirib. 

Rəy sorğusunun nəticələrinə görə, respondentlərin 58%-i Amerikada fikir ayrılığının keçmiş ilə müqayisədə xeyli artdığına inandığını bildirib. Respondentlərin 54%-i isə ölkələrinin  yanlış yolda addımlamasından nigaran olduqlarını bildiriblər. 

Amerikada prezident seçkiləri cari noyabr ayının 8-də keçiriləcək.