SAHAR

Fransadakı məhkəmə mənbələri bu ölkədə iki terror şübhəlisinin həbs olunmasından xəbər veriblər.

Röyters xəbər verir: Suriyaya getməyə və ya Fransada terror hərəkəti etməyə cəhd göstərməkdə şübhəli bilinən bu iki şəxs son zamanlar Marsel limanı yaxınlığında yaxalanıb və istintaq edildikdən sonra şənbə günü zindana göndərilibdir.

Fransa məhkəmə aparatının məlumatına görə, cinayətkarla əlbir olmaqda günahlandırılan və özü ilə silah daşımaqda ittiham olunan bu iki şübhəli həm də bir terror qrupu ilə əlaqədə olmaqda ittiham edilir.

Ötən çərşənbə axşamı günü bu iki şübhəli ilə eyni zamanda Parisdə tutulan üçüncü şübhəli isə, əleyhinə heç bir ittiham vurulmadan azadlığa buraxılıbdır.

Fransız rəsmilərin sözlərinə görə, fransalı terrorçuların Suriya kimi çaxnaşmalı məntəqələrə gediş-gəliş etmələri bu ölkənin təhlükəsizliyini təhlükəyə salıbdır.

Fransa ötən bir il ərzində bir neçə terror əməliyyatının şahidi olubdur ki, onların nəticəsində onlarla nəfər ölüb və ya yaralanıbdır.