Rusiya Federasiya Şurasının Müdafiə Məsələləri Komissiyasının sədri ABŞ-ın dəniz qoşunları eskadrasının Koreya yarımadasına göndərilməsinin nəticələri barədə xəbərdarlıq edib.

IRNA-nın məlumatına görə, Viktor Ozerov deyib: Amerika eskadrasının Koreya yarımadasına göndərilməsi Şimali Koreyanı düşünülməmiş addımlar atmağa təhrik edə bilər.

Viktor Ozerov sonra deyib: ABŞ-ın dəniz qoşunlarının bölmələri beynəlxalq müqavilələri pozmamaq təqdirində dünyanın hər bir nöqtəsində iştirak edə bilərlər, amma təhlükəsizlik nöqteyi-nəzərindən, Amerika eskadrasının Koreya yarımadası sahillərində iştirakı Şimali Koreya ilə müzakirələrin başlanması şəraitinin təmini prosesinə olduqca zərərli olacaqdır.