Almaniyada bir sərnişin təyyarəsinin məcburi eniş etməsinin ardınca 3 şübhəli həbs edilib.

Röyters-in verdiyi məlumata görə, Sloveniyadan London istiqamətdə hərəkət edən bir sərnişin təyyarəsi şənbə günü axşam saatlarında Almaniyanın Köln hava limanında məcburi eniş edib. 151 sərnişini olan təyyarənin boşaldılmasının ardınca terrorçuluqda şübhəli bilinən 3 nəfər Almaniya polisi tərəfindən saxlanılıb. 

Almaniya polisi həmçinin, bu 3 şübhəli şəxsdən birinə məxsus olan kürək çantasını təyyarədən aralıda partladaraq, zərərsizləşdirib. Amma, çantanın içində olanlar haqda məlumat verilmir.