Suriyada ABŞ-ın himayəsi altında olan kürd yaraqlılarının Rəqqə şəhərinə hücuma başladığı gündən bəri Amerika ordusu bu şəhərə havadan zərbələr endirməklə 224 mülkinin həyatını itirməsinə səbəb olub.

İRNA-nın məlumatına görə, Suriya İnsan Haqları Nəzarətçisi təşkilatının sədri Rami Əbdürrəhman deyib: Həlak olanlar arasında 38 uşaq və 28 qadın var. 

Bundan öncə də bəzi mənbələr ABŞ-ın başçılıq etdiyi koalisiya qüvvələrinin Suriyanın müxtəlif məntəqələrinə olan hücumlarında yüzlərlə mülkinin həlak olmasından xəbər vermişdilər. 

Bu hücumlar davamlı olaraq Suriya ordusu və insan haqları müdafiəçilərinin etirazlarına səbəb olub.