Şimali Koreya: Tramp "Dəli qocadır"
-
Şimali Koreya: Tramp "Dəli qocadır"
Şimali Koreya bildirib: ABŞ Konqresi bu ölkə prezidenti Donald Trampı iqtidardan kənarlaşdırmalıdır.
Şimali Koreya İnformasiya Agentliyi çərşənbə günü Trampı "dəli qoca" adlandırıb və bildirib: ABŞ Konqresi bu ölkənin məhv olmasının qarşısını almaq üçün Trampı iqtidardan kənarlaşdırmalıdır.
Şimali Koreya həmçinin xəbərdarlıq edib ki, ABŞ dəhşətli nüvə faciəsi ardınca deyilsə, Pxenyanın tövsiyəsinə diqqət yetirməlidir.
ABŞ və Şimali Koreya arasında gərginlik Donald Trampın avantürist siyasəti ilə daha da artmışdır.
Donald Tramp dəfələrlə Pxenyanı daha sərt reaksiya ilə hədələyib və bütün seçimlər, o cümlədən hərbi seçimlərin masa üzərində olduğunu vurğulayıb.
Tramp çərşənbə axşamı günü də Cənubi Koreya prezidenti Mun Çje İnlə Seulda birgə mətbuat konfransında deyib: Şimali Koreya dünya səviyyəsində bir təhdiddir.
Koreya yarımadasında gərginliyin artmasında əsaslı rola malik Vaşinqton daim Şimali Koreyanın nüvə sınaqlarının durdurulmasını istəyir. Lakin Pxenyan dəfələrlə bildirib ki, ABŞ və müttəfiqlərinin Şimali Koreya əleyhinə hədələri davam etdikcə, bu ölkə də öz hərbi potensialını və önləyicilik qüdrətini davam etdirəcək.
