SAHAR

Britaniya paytaxtı Londonun cənubunda Stakol bölgəsi yaxınlığında avtomobilin piyadaların üzərinə sürülməsi nəticəsində 5 nəfər yaralanıb. Onlardan ikisinin vəziyyətinin ağır olduğu bildirilir.

İRNA-nın məlumatına görə, London polisi sözçüsü bu xəbəri təsdiqləyərək deyib: Ötən gecə baş verən bu hadisə ilə əlaqədar heç kim saxlanılmayıb və polis bu hadisəyə terror aktı kimi baxmır.

Yayılan məlumatlara görə, ətraf prospektlər bağlanıb və polis məmurları araşdırma aparırlar.

Britaniya ötən bir il ərzində 5 terror aktı, xüsusilə də avtomobillərin piyadaların üzərinə sürülməsi aktının şahidi olub. Nəticədə onlarla nəfər həlak olmuşdur.

Britaniyada terror aktları 2014-cü il avqust ayından, xüsusilə də bu ölkənin ABŞ-ın başçılıq etdiyi "İŞİD əleyhinə Beynəlxalq Koalisiya"da iştirak etdiyi vaxtdan artmışdır. Bu da Britaniyada terror aktının baş verə biləcəyi ehtimalını gücləndirir.