SAHAR

Rusiya prezidenti Vladimir Putin və ABŞ prezidenti Donald Tramp cümə axşamı Koreya yarımadası ətrafında yaranmış böhranla bağlı telefon danışıqları həyata keçiriblər.

Mehr informasiya agentliyinin verdiyi məlumata görə, Kreml sarayı bu telefon danışığının Ağ Evin istəyi ilə baş tutduğunu bildirib. Bu telefon adnışıqlarında ikitərəfli münasibətlər və Koreya yarımadası olayları müzakirə edilib. 

Putin cümə axşamı Moskvada bir mətbuat konfransında ABŞ-ın Rusiyadan Şimali Koreya əleyhinə əlavə sanksiyalar tətbiq etmək istəməsini gülünc adlandırmışdı. 

Pxenyan da cümə axşamı ABŞ-ın Şimali Koreyanı dənizdən mühasirəyə almaq cəhdinin bu ölkəyə qarşı müharibə elanı olacağını bildirib.