Tramp mühacirləri Amerikadan çıxardacağı ilə təhdid etdi
Apr 02, 2018 09:43 Asia/Baku
ABŞ prezidenti bazar günü öncəki hökumətin himayəsi altında olmuş təqribən 1.8 milyon qanunsuz mühacirlə bağlı nəzərdə tutulmuş güzəştlərin ləğv edilməsi və sərhədlərə nəzarətin sərtləşdirilməsindən söz açıb.
İRNA-nın məlumatına görə Donald Tramp ABŞ Konqresinin Demokrat üzvləri ilə Meksika sərhədlərinə divar çəkilməsi barədə aparılan danışıqlarda nakam qalmasının ardınca, öz Tvitter səhifəsində yazıb: "Deka" qanunu ilə bağlı anlaşma ləğv olunur.
"Deka" ABŞ-ın öncəki prezidenti Barak Obama dövründə qəbul edilmiş bir qanundur. Bu qanun uşaq yaşlarında ABŞ-a daxil olan və öz taleyi öz əlində olmadığı bir şəraitdə bu ölkəyə mühacirət etməyə məcbur olan insanları himayə altına almışdı.
