Fransa prezidenti nüvə sazişinin icra olunmalı olduğunu bildirərək bu sazişə sadiq qalmağı fransızların seçimi və bu ölkənin hakimiyyət hüququnun müdafiəsi adlandırıb.

İRNA-nın məlumatına görə, Fransa prezidenti Emmanuel Makron cümə günü Sankt-Peterburqda Beynəlxalq İqtisad Forumunun ümumi iclasında beynəlxalq sazişlərin icrasının vacibliyini vurğulayaraq deyib: Bir saziş imzalanırsa, bir ölkənin çıxması nəzərə alınmadan, həmin saziş qorunmalı və icra olunmalıdır. 

Fransa prezidenti ABŞ-ın sanksiyalar tətbiq etdiyi halda Fransanın böyük şirkətləri, o cümlədən Airbus və Totalın İranda iştirakı davam etdirməsi haqda deyib ki, sanksiyalar qarşısında şirkətləri müdafiə etmək üçün Avropa Komissiyasının tədbirlərini dəstəkləyir.