ABŞ-ın ticarət naziri cümə axşamı günü Almaniya, Britaniya və Fransa xarici işlər və maliyyə nazirlərinin ABŞ-ın İran əleyhinə ikinci sanksiyalarının Avropa şirkətlərinə şamil edilməməsi üzrə müraciətini rədd edib.

Mehr İnformasiya Agentliyinin məlumatına görə, Vilbur Ross CNBC televiziyası ilə müsahibədə İran əleyhinə qarşıdakı sanksiyaların perspektivi haqda suala cavabda deyib: ABŞ-ın İranla əlaqədar sanksiyalar barədə istisna və ya güzəştinin olacağını düşünmürəm.

Almaniya, Britaniya və Fransa xarici işlər və maliyyə nazirləri bazar ertəsi günü 4 iyunda amerikalı həmkarlarına məktub ünvanlayaraq ölkələrin İranla nüvə sazişinin qorunması haqda öhdəliklərini vurğulayıb və əczaçılıq, səhiyyə və müalicə, energetika, avtomobil, qeyri-hərbi təyyarə, infrastruktur və bankçılıq sektorlarında fəaliyyət göstərən Avropa şirkətlərinin ABŞ-ın İran əleyhinə sanksiyalardan istisna olunmasını istəyiblər.