Tramp: Ərəbistan Amerikaya daha çox pul verməlidir
Okt 05, 2018 10:25 Asia/Baku
ABŞ-ın prezidenti Səudiyyə Ərəbistanı krallığının rəhbərlərinə xitabən deyib ki; onlar bu ölkəni qoruyan qüvvələrimizin xərclərini ödəməlidirlər.
Donald Tramp dünən gecə Minesota ştatının seçki yığıncağında respublikaçılar partiyasının tərəfdarları qarşısında deyib: Biz Ərəbistanı müdafiə edirik, amma onlar bunun qarşılığında cüzi bir məbləğ ödəyirlər.
Tramp deyib: Səudiyyə krallığı Ərəbistan hökumətini qoruyan amerikalı hərbçilərin ağır xərclərini tam şəkildə ödəməlidir.
ABŞ prezidenti həmçinin bu ölkə səfirliyinin Beytulmuqəddəsə köçürülməsi kimi qalmaqallı qərarı himayə edərək, deyib: Biz Amerika səfirliyini Qüdsə köçürdük, halbuki bir çoxları bizi bu işi görmək fikrindən daşındırmaq niyyətində idi.
