ABŞ prezidenti Donald Tramp Ərəbistana silah satışının durdurulmasına qarşı çıxacağını deyib.

Tramp "USA TODAY"ə verdiyi müsahibədə jurnalist Camal Qaşıqçının Ərəbistanın İstanbuldakı baş Konsulluğunda qətlə yetirilməsinin təsdiq edilməsindən sonra,  ABŞ-ın Ərəbistana silah satışını durdurmasına qarşı olduğunu deyərək, Ər-Riyadı cəzalandırmağın başqa yolları olduğunu söyləyib. 

ABŞ prezidenti jurnalist Camal Qaşıqçının qətlə yetirilməsinin öncədən planlaşdırılmadığına dair Ali-Səudun ssenarisini müdafiə edərək,  Ər-Riyadın Camal Qaşıqçının qətlinə dair açıqlamasında qaranlıq məqamların olduğunu, buna baxmayaraq, Ərəbistana silah satışının dayandırılması ilə razılaşmayacağını bildirib. 

Tramp həmçinn deyib: Qaşıqçı, qətlə yetirilməsi üçün, qəsdən Ərəbistanın İstanbuldakı Baş Konsulluğuna dəvət olunmayıb. 

ABŞ prezidentinin bu mövqeyi Ali-Səud rejiminin Qaşıqçı olayı ilə bağlı mövqeyi ilə üst-üstə düşür. Ər-Riyad Qaşıqçının konsulluqda yaranan mübahisə zamanı təsadüfən və istəmədən qətlə yetirildiyini iddia edir.