Fransanın Rusiyadakı səfiri rəsmi Parisin bu ölkə şirkətlərinin İranda fəaliyyət göstərmələrinə dəstək verməsindən xəbər verib.

Fransanın Rusiyadakı səfiri Silviya Bremen deyib: Paris Amerikannın sanksiyalarından sonra İranla həmkarlıqlarını davam etdirmək istəyən fransız şirkətləri himayə edir.

ABŞ rəsmiləri cümə günü nüvə anlaşması əsasında aradan götürülmüş İrana qarşı sanksiyaların geri döndüyünü bildirdilər.

Sabahdan icra olunacaq bu sanksiyalar İranın gəmiçilik, maliyyə və energetika sektorlarını hədəfə alacaqlar və bu, Amerikanın nüvə anlaşmasından çıxmasından sonra bərpa edilən İrana qarşı sanksiyaların ikinci paketidir.