Gürcüstan Parlamentinin üzvləri ictimai məkanlarda çadra və niqabdan istifadəni qadağan edən qanun layihəsinə qarşı çıxdılar.

İRNA-nın məlumatına görə, Gürcüstan Parlamentinin İnsan Haqları Komissiyasının sədri Sofiya Kiladze bildirib: İctimai məkanlarda çadra və niqabdan istifadəni qadağan edən qanun layihəsi parlamentin çərşənbə günü keçirilən iclasında qəbul edilmədi. 

Gürcüstan Parlamentinin İnsan Haqları Komissiyasının sədri bu layihə ilə bağlı 21 yanvar 2019-cu il tarixində yenidən iclas təşkil ediləcəyini bildirib və deyib: dini və məzhəbi layihələri araşdırmaq üçün xüsusi işçi qrupu yaradılacaq. 

Gürcüstan Parlamentinin üzvü Anri Uxanaşvili parlamentin iclasında deyib: Gürcüstan ictimaiyyəti bir neçə etnosa malik olan bir cəmiyyətdir və hamı bir-birinin haqq və hüquqlarına hörmət etməlidir. 

Gürcüstan Parlamentinin bir qrup üzvü 2018-ci ilin sentyabrında ictimai məkanlarda çadra və niqabdan istifadənin qadağan edilməsinə dair qanun layihəsi hazırlayaraq, parlamentə təqdim edib.