Ərəbistanın Əl-Ərəbiyyə telekanalı ABŞ hərbçiləri və Anti-İŞİD adlı beynəlxalq koalisiya qüvvələrinin tezliklə İraqın Əl-Taci bazasını tərk edəcəklərini iddia edib.

Səhər Azəri-nin bildirdiyinə görə, Əl-Ərəbiyyə kanalı ABŞ hərbçilərinin bazar günü Əl-Taci bazasını tərk edəcəklərindən xəbər verib. 

Əl-Taci hərbi hava bazası İraqın paytaxtı Bağdad şəhərinin 80 kilometrliyində yerləşir və ötən aylarda dəfələrlə raket hücumuna məruz qalıb. ABŞ və Anti-İŞİD koalisiyası qüvvələri artıq bir neçə ildir ki, bu hərbi bazada yerləşiblər. 

ABŞ prezidenti Donald Tramp cümə günü Vaşinqtonda İraqın baş naziri Mustafa Əl-Kazimi ilə birgə mətbuat konfransında İraqda çox az amerikalı hərbçinin qaldığını və onların da 3 il ərzində bu ölkəni tərk edəcəklərini dedi.