“ABŞ Rusiya ilə təklif olunan hər hansı bir mövzunu müzakirə etməyə hazırdır, lakin nüvə silahlarını Avropadan çıxarmayacaq”.

Səhər Azəri bildirir ki, bunu ABŞ prezidentinin xüsusi elçisi Marşal Billinqsli "Kommersant" qəzetinə verdiyi müsahibəsində bildirib.

RİA Novosti-nin verdiyi məlumata görə,  jurnalistin ABŞ-ın nüvə silahlarını Avropadan çıxarmağa hazır olub-olmadığına dair sualının cavabında Billinqsli qəti cavab verib: “Xeyr, biz bunu etməyəcəyik. Ancaq Rusiyanın bizimlə danışmaq istədiyi hər şeyi müzakirə etməyə hazırıq”.

Rusiya ABŞ-ın Avropadakı nüvə silahlarını öz təhlükəsizliyinə qarşı təhdid hesab edir.