Fransa Prezidenti Emmanuel Makron yeni növ koronavirus (COVID-19) infeksiyasına yoluxub.

SəhərAzəri Apa-ya istinadən xəbər verir, bu barədə Yelisey sarayının yaydığı məlumatda bildirilib.

Qeyd olunub ki, Fransa prezidentinin koronavirus testinin nəticəsi pozitiv çıxıb.

“Prezidentə COVID-19 diaqnozu qoyulub. Hamı üçün tətbiq olunan mövcud sanitariya qaydalarına uyğun olaraq, dövlət başçısı 7 gün ərzində təcrid olacaq. O, çalışmağa davam edəcək və fəaliyyətlərini uzaqdan həyata keçirəcək”, - məlumatda bildirilir.

İndiyədək dünyanın siyasi liderlərindən bir çoxu koronavirusa yoluxub.

Statistikalara əsasən, Fransada iki milyon dörd yüz min nəfərdən çox insan koronavirusa yoluxub. Onların 59 min 631 nəfəri həyatını itiribdir.