Pakistanın baş naziri MBS-in İranla bağlı fikirlərini alqışladı
Apr 29, 2021 22:48 Asia/Baku
Pakistanın baş naziri İmran Xan Səudiyyə rejiminin vəliəhd şahzadəsi Məhəmməd bin Salmanın İranla sülh təşəbbüsünü alqışladığını bildirib.
SəhərAzəri xəbər verir ki, İmran Xan Tvitter üzərindən verdiyi açıqlamasında bunları deyib: “Səudiyyə Ərəbistanının İranla sülh təşəbbüsünü alqışlayırıq. Qonşumuz İran və Səudiyyə Ərəbistanı ən yaxın dostumuzdur. Sülh təşəbbüsü İslam ümmətini gücləndirəcək”.
Qeyd edək ki, Səudiyyə rejiminin vəliəhdi iki gün əvvəl Al-Arabiya telekanalına verdiyi açıqlamasında belə demişdi: “İran qonşu ölkədir və onunla yaxşı münasibətlər qurmağı ümid edirik. Səudiyyə Ərəbistanı İranla yaxşı və fərqli münasibətlər qurmaqda maraqlıdır”.
