ABŞ-ın ən uzun hərbi əməliyyatı biabırçı məğlubiyyətlə başa çatdı
«Ekonomist» jurnalı öz cildindəki şəkli amerikalı əsgərlərin Əfqanıstandan çıxmalarına və bu ölkənin ən uzun savaşının uğursuz nəticəsinə həsr edib.
SəhərAzəri-nin məlumatına əsasən, Əfqanıstandan bir görünüş və ABŞ-ın hərbi vertolyotlarının bu ölkədən çıxmalarını göstərən bu ağ-qara şəklin üstündə belə yazılıb: «Əfqanıstanı boşlamaq».
«Ekonomist» öz tvittində bu fotonun izahında yazıb ki, ABŞ-ın ən uzun hərbi əməliyyatı biabırçı məğlubiyyətlə başa çatır, zira Taliban-ın tam istilası təhdidi bütün Əfqanıstana kölgə salıb. Əfqanlar daha artıq qan axıdılması ilə üzləşirlər. Bu, bizim jurnalımızın buhəftəki üz qabığıdır.
Qeyd edək ki, amerikalı qüvvələr 2001-ci ilin oktyabrında on bir sentyabr hadisəsindən sonra Əfqanıstana basqın edərkən «Taym» jurnalının cildi bir əfqan kişinin rəsmi geyimdə olan şəkli ilə yanaşı, iri bir titr dərc etdi və yazdı ki; «Bu, Taliban-ın sonudur».
