SAHAR

Amerika, bu ölkədə keçirilən hellouin mərasimi zamanı bir neçə ölümcül atışmanın şahidi olub.

SəhərAzəri-nin məlumatına əsasən, Amerikada silahlı zorakılıqların sayının qeydə alınması mərkəzi bazar ertəsi günü bu ölkədə hellouin- balqabaqlar mərasiminin keçirildiyi zaman on bir halda atışmanın baş verməsindən xəbər verib. Bildirib ki, bu atışmalarda azı on iki nəfər ölüb, 52 nəfər isə yaralanıbdır.

Amerika zorakılıq, girovtutma və silahlı hücumlar dalğası ilə üz-üzədir.

Hər il Amerikanın müxtəlilf bölgələrindəki atışmalar nəticəsində minlərlə nəfər ölür və ya yaralanır.

Rəsmi məlumatlara görə, Amerikada təqribən 270 milyon ədəddən 300 milyon ədədədək odlu silah var. Bu, o deməkdir ki, bu ölkədə adambaşına bir silah düşür.