Putin: Moskva hələ də Ukrayna məsələsində Qərblə “diplomatik həll yollarına” hazırdır

SəhərAzəri-nin məlumatına əsasən, Prezident Vladimir Putin çərşənbə günü deyib ki, Moskva hələ də Ukrayna məsələsində Qərblə "diplomatik həll yollarına" hazırdır, amma eyni zamanda bildirib ki, Rusiyanın maraqları və vətəndaşlarının təhlükəsizliyi müzakirə edilə bilməz. 

Putin Rusiyada dövlət bayramı olan Vətən Müdafiəçisi Günü ilə bağlı videomüraciətində deyib ki, ölkəsi hər zaman birbaşa və dürüst dialoqa açıqdır.

Putin müraciətində Rusiya hərbçilərinin döyüş hazırlığını yüksək dəyərləndirib və onların "peşəkarlığına" və ölkənin maraqlarını müdafiə edəcəklərinə əmin olduğunu bildirib. 

NATO 100 mindən çox rus əsgərinin Ukraynanın şərq sərhədi yaxınlığında olduğunu bildirir.

Moskva Ukraynanın heç vaxt NATO-ya qoşulmayacağına dair zəmanət də daxil olmaqla, təhlükəsizlik zəmanəti tələb edir.