Rusiya qoşunları Ukraynanın paytaxtına doğru irəliləyir
Ukrayna mətbuatının məlumatına görə, cümə günü, fevralın 25-də yerli vaxtla saat 4:22-də Rusiya qoşunları Ukraynanın paytaxtına raket zərbəsi endirib. Kiyevin müxtəlif yerlərində bir neçə raket partlayıb.
Deyilənlərə görə raketlrəin bəzisi Ukraynanın hava hücumundan müdafiəsi tərəfindən havada məhv edilib. Raketlərdən biri 9 mərtəbəli yaşayış binasına düşüb. Ölənlər və yaralılar var.
Rus tanklarının bir koloniyası Sumı şəhərindən Kiyevə doğru hərəkət edib. Yolda onlarla Ukrayna qüvvələri arasında şiddətli döyüş getdiyi bildirilir.
Mühribənin ikinci günündə döyüşlərin Qostomel hava limanı ərazisində də davam etdiyi deyilir.
Ukrayna tərəfi müharibənin ilk günündə Rusiya tərəfinin itkiləri barədə məlumat yayıb. Həmin məlumata görə Rusiya qoşunları 450 ölü, 7 təyyarə, 7 helikopter və 100-dən çox zirehli texnika itirib.
Rusiya Müdafiə Nazirliyi isə bildirib ki, Rusiya Ordusu Ukraynada 118 hərbi infrastruktur obyektini, o cümlədən, 11 hərbi aerodromu, 13 idarəetmə məntəqəsini və rabitə qovşağını, 14 S-300 və “OSA” kompleksini və 36 RLS-i məhv edib.
Bundan başqa, 5 hərbi təyyarə, 1 helikopter, 5 PUA, 18 tank, 5 döyüş kateri və 18 reaktiv yaylım atəşi sisteminin məhv edildiyi açıqlanıb.
Rusiya tərəfi Ukrayna Ordusunun fərqli güc strukturlarına məxsus 150-dən çox hərbçisinin əsir götürüldüyünü bəyan edib.
