Ukrayna ordusunun yeni tələfatı açıqlandı
Rusiya: 117 hərbi obyekt məhv edilib
Rusiyanın Müdafiə Nazirliyi iddia edib ki, bu ölkənin döyüş təyyarələri bir gündə Ukraynanın 117 hərbi obyektini məhv edib
SəhərAzəri-nin məlumatına əsasən, qeyd edilir ki, Rusiya hərbi aviasiyası sutka ərzində Ukraynanın 117 hərbi obyektini vurub. Bu barədə Rusiya Müdafiə Nazirliyinin sözçüsü general-mayor İqor Konaşenkov şənbə günü keçirdiyi brifinqdə məlumat verib.
Generalın sözlərinə görə, onların arasında altı komanda məntəqəsi, üç reaktiv yaylım atəş sistemi qurğusu, bir S-300 zenit-raket kompleksi, doqquz silah və sursat anbarı, iki yanacaq-sürtkü materialları anbarı, həmçinin Ukrayna Silahlı Qüvvələri bölmələrinin 92 dayaq məntəqəsi, millətçi batalyonların və hərbi texnikanın cəmləşdiyi ərazilər var.
"Donetsk Xalq Respublikası"nın məlumatına görə isə, Ukrayna qoşunları son sutka ərzində qondarma respublika ərazisində gedən döyüşlər zamanı 60-dan çox insan, həmçinin iki tank və digər texnikanı itirib:
Separatçıların bildirdiyinə görə, son sutka ərzində 64 ukraynalı millətçini, 21 atəş nöqtəsini, iki tankı, bir komanda maşını və bir zirehli maşını məhv edib.
Həmçinin qeyd edilir ki, 54-cü mexanikləşdirilmiş və 25-ci desant briqadalarından 16 Ukrayna əsgəri könüllü olaraq silahlarını yerə qoyaraq "DXR"in tərəfinə keçib.
