Kreml əks-təbliğat hücumuna keçir
Lavrov: Rusiya Ukraynadakı əməliyyatla bağlı saxtakarlıqları ifşa edəcək
Rusiyanın xarici işlər naziri bəyan edib ki, rəsmi Moskva Ukraynadakı xüsusi əməliyyatla bağlı saxtakarlıqları ifşa edəcək.
SəhərAzəri-nin məlumatına əsasən, Rusiyanın XİN rəhbəri bu haqda deyib: "Ukraynanın Buça şəhərində baş verən hadisələrlə bağlı Moskvanın BMT Təhlükəsizlik Şurasını çağırmaq cəhdi yenə uğursuz olub."
Lavrov həmçinin qeyd edib ki, Rusiya Ukraynadakı xüsusi əməliyyatla bağlı açıq-aşkar saxtakarlıqları ifşa edəcək.
“Biz bu cür saxtakarlığı ifşa edəcəyik, necə ki, martın əvvəlində Mariupoldakı doğum evində faciə kimi təqdim etməyə çalışdığımız vəziyyəti ifşa etdik. İndi də o cür, Rusiya Silahlı Qüvvələri öz mövcudluğunun yenidən qurulması çərçivəsində martın 30-da Buça şəhərinin ərazisini tərk edib və üç gün ərzində bələdiyyə sədri orada televiziya ilə çıxış edərək şəhərin normal həyata qayıtdığını demişdi, lakin Ukrayna silahlı qüvvələrinin orada peyda olmasından sonra meyitlərin göründüyü küçələri nümayiş olunur. Yəqin, üç gündən sonra, oxşar bir tamaşa təşkil etmək qərarına gəlib"- deyə nazir bildirib.
Xatırladaq ki, bir qədər əvvəl Ukrayna hakimiyyəti və KİV-i ölənlərin cəsədlərinin yolda yatdığı Kiyev vilayətinin Buça şəhərində çəkildiyi iddia edilən videonu yayıb.
Bir çox internet istifadəçiləri Kiyevin Moskvaya qarşı ittihamlarının etibarlılığına şübhə ilə yanaşıb, qeyd ediblər ki, yerdəki cəsədlərin yanında qan olmayıb, ölənlərin bəzilərinin qollarında ağ sarğı olub və onlar Ukrayna təhlükəsizlik qüvvələri və ya ərazi müdafiəsi tərəfindən öldürülə bilərdi.
